موسوعة القدس و المسجد الأقصى و الخطورة الواقعة

موضوع: أنا وأمي وبنتي الأحد مارس 14, 2010 9:12 pm

هذه امقطوعه باللهجه العاميه الأردنيه وأي سؤال انا جاهز
_ _ _ - _ _ ___ -
قالت امي
يما سطح يسطحك ما تسمعني
رديت بسرعه ما انا بخاف
ها يما شو بدك
حط لاخوانك اكل
اه يما حاضر
يا حمار تعال
ما انا عارف امي تنادي علي
ركاض رجعت
يما يا حبيبي
خبي البيضات ابوك بدون عشا
حاضر هيك تعودت
امي ما خلفت كثير
12 بعين الحسود
عاش 12
يعني بعدها صبيه
بس شو تفهم عن ميت معلم
دايما توصي يما ما بدنا مشاكل يا حبايبي ديروا بالكو
احنا ناس بحالنا
كبرنا واحنا شو
بس بدنا ننطلق بدون رقابه لكن وين
كبرنا وبعدنا نخاف من أمي الأمير يعرفها
كنا جيران وبعدنا جيران وحتى لما تجوزنا بعدنا نخاف مش جبن لا خوف
من الكبار واحترامهم
اما شو الجيل الجديد بطل لا يعرف احترام ولا غيره طاسه وضايعه
أمي مسكينه كبرت مش كثير يعني 80 سنه بعز شبابها
على العكاز
بس بعدنا نخاف
وأولادنا مش زينا
لا أولادنا ينتقدوا لا يا جده ما بدي
مو عاجبني إحنا لما كان ينحط الأكل وواحد منا ما يوكل يا ويله تقول أمي مو عاجبك سم يسمك اتدفلع كل
هذا المصطلح مانا عارفه لغاية ألان أولادنا لا عادي ما تفرق معهم
يروحو على المطعم
وما في شي عاجبهم
يا ترى كيف أولاد أولادنا يطلعوا
انا مش قادر أتصور صح لكل زمان دولة ورجال
بس والله احنا شايفينها كبيره قبل 30 سنه كان اللي تقول لأبوها
يابا بدي اشتغل تنضرب بالحفايه بعدها بخمس سنين اه يابا بمدرسة بنات بشغله فيها بنات ماشي وبعدها انطلقنا من الضيق صار الواحد يقول لبنته اه يابا ما لقيتي شغل اه يابا طيب اشتغلي بالمصانع
وبزمنا هذا اللي ما تشتغل وقف سوقها بالزواج وطلعوا الناس لقب البقرة الحلووووب وصار الرجل جوز الست ويا سلام اذا راتبها كبير فقست عينه وعين اهله وتصير تمشي علهويدلك
واللي ما تشتغل تموت بحسرتها الا اذا عندها خميرة ( ورثه )
هذا واقعنا الحياه صعبه وصرت أشفق على جوز الست أكله سخنه يا حرام ما في ههههههههه كله اكل بيات تطبخ كل يومين مع بعض
حالنا تغير يا ناس والمشكله للأسوأ والله ما انا عارف انا تفكيري ضعيف ولا انا رجعي ولا انا مين
انا واحد مشتاق لأكلة مجدرة والبصل المحمر يغطيها وكلنا متجمعين والجمعه بركه اليوم الغدا بدارنا خمس وجبات يعني كل واحد يوكل لحاله ما حدا فاضي لحدا يا ناس والحل معقول المادة هيك شتتنا والا إحنا غلط ولا شو
واحد يفهمني

الانفتاح والحريه بدأت من من العيله ومعنى الحريه كل واحد لوحده من هيك صارت خمس وجبات

اغلب الكلام فهمته

وما حقدر اعلق بغير

عظم الله اجرك بزمان

زمان ولى ومات

رائع ما قدمته ولي عوده مع مشاركه الاعضاء

زمن أول تحول متل مابحكو ومافي شي بضل ع حالو
انا فهمت طبعا كل الحكي ..
بالنسبه للمصطلحات هاي عادة لسان انا ما بتعجبني بس مش هاد الموضوع طبعا
انت يمكن بتتسآل عن السبب في التغييرات اللي بتحصل بين زمان وهلاء
اكيد زمان كان احسن وأحلى بكتير من شهادات اهالينا وحكيهم
انا ما بلاقي هلاء شي حلو كتير
اما هلاء شو السبب وشو اللي اتغير يمكن قسوة الحياة وزيادة المتطلبات
والضغوطات اللي بتصير فوق طاقة البني ادم
الله بعين
يسلمو ع الطرح

اشكر مروركم الطيب
نعم زمان احلى والأن احلى من القادم
والله يعين اجيالكم شكرا"

اللهجة جميله جدا سيدي
واستمتعت فعلا بالوزن الي فيها

فالف شكر لانك منحتني هذا الحق

الاختلاف موجود فعلا السرعة الرهيبة الي الان العالم بيمشي في خطها

العولمة وانو اصبح كل شيئ معروف والذي يحدث في امريكا بعد دقيقه بيكون في الاردن

ايضا المقومات مقومات المجتمع العربي الي اتغيرت للاسف بدون رقابه

والاسباب كثيرة اهمها انو فيه سياسة معينه للاسف بنفذها بدون تفكير

واخرها اصبحنا بجد لا نعرف لاي امة ننتمي نتيجة انو فقدنا الي نمتلكو اقصد الفكر

على كل حال لنا الله وانا معك اراها صعبه جدا صفحات المستقبل

الف شكر والف تحية

أحمد

سيدي
معك كل الحق في ما كتبت
اشكرك جدا" ودوما" تبهجني زيارتك

موسوعة القدس و المسجد الأقصى و الخطورة الواقعة

مسابقة فلسطينية

كرسي الاجرام

أنا وأمي وبنتي