موسوعة القدس و المسجد الأقصى و الخطورة الواقعة

موضوع: رجل الحجاره الإثنين أبريل 26, 2010 3:59 am

على تل عالى خد مكانه واتزرع وسط الحجاره

وابتدى مشوار كفاحه ضد أحلامه السكاره

جهز سلاحه .. عمَّره بتعميره فاسده

تعميرة العمر المسطح فوق همومه

المستعد يبيع هدومه

لجل يستر عُرْى نفسه المستثاره

شيشه وتشويشه على العقل المغيب بالوراثه

مشحونه أفكاره بدخان السيجاره

شاطر قوى ف تلقيمة البُن التقيل من غير عيار

والوش فى الفنجان يوِش ف مسمعه

يركب خياله حصان ..

حصانه يضيعه ..

على أرض بور ..

يجرى يدور ع البخور .. يرمى البذور ..

تطرح عيدانه التنبله .. يحصد خساره

تزرع فى ريقه كل أنواع المراره

يجرى ف مكانه ونهجته

بتسابق النفس اللى خارج

زى مايكونوا بيجْروا ف وسط غاره

عند التقاطع يبتدى يهدِّى ..

يجمَّع فى الحروف المستعاره

تطرح كلام .. مظبوط تمام

يرمى السلام على أى إيد تتمد له

ميهمهوش الإيد دى خاينه ولاَّ صاينه ولاَّهاينه

ولاَّ زارعه ف سكته مليون حِصارَه

ومداخن الغاز المسيِّل للقلق

تشهد على وطنيته

تحلف تصنَّف دولته

دولة دمار

طباشيره بتسجل تاريخ المهزله

خلف الستاره

كَرْكَرات الروح بتعلن للملأ

قُرْب احتضارَه

إن آدم فجأه قرر يحرَق التفاحه

ينشُرها رماد على كل ساحه

وخَد قراره

وحتى مش ناوى يصلى الإستخاره

ينده عليه صوت الأدان

يهرب كما الملعون جبان

يحبس الأنفاس

تجره فرقعات الزهر فوق طاولة تفاوض ع اللى باقى من حضاره

تجرى ف عروقه ..

إرتعاشه تفتته .. وتسكته ..

وتنشف الدم اللى باقى ف جتته

تسبح إيديه ..

ورا موجه فى جهازه

إللى متبرمج إثاره

تبلع الأمواج سفينته

يلقط الإرسال إشاره

ماتوا أطفال الحجاره ..

ماتوا أطفال الحجاره

جميل ما قدمته فؤاد

يعطيك العافيه ربي

استاذي فؤاد
عودة رائعة وقوية لقلمك
انتابني شعور غريب حين قرأت ما جال به قلمك
احسست بسراب الفارس العربي
نعم انه السراب
أسرتني في حلم ومن ثم أعدتني الى أرض الواقع
حين ذكرت
ماتوا اطفال الحجارة
ولكن يا استاذي هم لم يموتوا
وانما لم يبقى حجارة ليرموها
بوركت هذه الانامل على ما خطت
مودتي

يسلموووو اخوي فواد
علي الطرح الحلو
الله يعطيك الف عافية

شكرا لك اخي الكريم على الكلام الرائع

حلو كتير

لكن اطفال الحجاره

هم صاحاب الحضاره
وهم اصحاب المهاره
وهم اسياد الشجاعه
ومهما تكلمنا عنهم فانهم دائما في الصداره

ومن يحشش ويركب السياره سياره الحياه التي تميل به شرقا وغربا بين ازيز الكؤوس وطاولات الزهر
ونفحات الخماره الله يهديهم ويثبت عقولهم

شكرا لك فوآآد كليماتك كتير حلوه

دمت بالف خير

ما اروعك سيدي

ما اروع الكلمات حين يخطها سيد فؤاد

هنيئا لنا

والف تحية

أحمد

» نساء كـ الزهور ورجال كـ الحجاره

موسوعة القدس و المسجد الأقصى و الخطورة الواقعة

مسابقة فلسطينية

كرسي الاجرام

رجل الحجاره