ياجرح عيدك مبارك

ياجرح عيدك مبارك ...!!












ياجرح خوفك من الله كيف تطرد وراي
راحت حياتي مابين أرجوك - تكفى - وليه ؟
ياجرح عيدك مبارك وأنت أعز أصدقاي

إي والله إنك وفيت وجيت سطوه وتيه
ياجرح وإن راحوا الخلان خلك معاي
يالصاحب اللي مع الأعياد صرت أحتريه


ياجرح خلك معاي أحكي وتسمع حكاي
يقلون مايفهم المجروح غير النبيه

ياجرح عيدك دموع وزفرةٍ من حشاي
واسرار تدفن معي وإحساس ماله شبيه


ياجرح ياريحة الخلان يا أجمل خطاي
أشكي لك الحال وأرجع وأحضنك وأشتكيه

ياجرح مانيب قايل طيب وأبغى دواي
تطيب كل الجروح إلا جروح الوجيه


ياجرح لو هي صبر ماقلت لك يابلاي
ولا تمنيت بعُدك وأنت قربي تبيه


ياجرح وإن شفتني واقف وماسك عصاي
فلا تقول قلب فلان وش صار فيه ؟