المشهد الاول نهار خارجى فصل فى المدرسه الحصه الاخيره
تيتو هتعمل ايه بعد ما ربنا يسهلنا ونطلع ونخلص اليوم الخنيق ده
عنتر مش عارف يا اخى دراسه ايه وبلا ازرق ايه دى بقيت حاجه تخنق
تيتو المهم بعد ما نخرج هنعمل ايه هنروح علطول ولا نهيس شويه
عنتر طبعا لازم نهيس يا مان هو احنا ورانا ايه يعنى
تيتو هو ده الكلام يا صاحبى يارب الجرس يضرب
جرسسسسسسسسسسسسسسسس نهايه
المشهد التانى نهار خارجى برضه فى احد شوارع البلد
تيتو شايف الموزه اللى هناك دى يا عنتور
عنتر ايوه ايه ده دى جامده اوى وشكلها لسه طالعه من المدرسه
تيتو طيب ايه النظام هعنمل ايه
عنتر ورايا يا زميلى لازم نظبط الكلام حد يسيب حته زى دى
تيتو يلا بينا مساؤو فل يا ماان
المشهد التالت نهار خارجى برضو فى شارع برضو
تيتو ايه الجمال ده يا قمر بجد انتى منوره المنتقه كلها ومنوره مصر انتى اجدع واجمد من السد العالى
عنتر شديده اوى بطه ماشيه وبتتمخطر ايه ده هز يا وز
تيتو ما ترد يا باشا ما ترد يا بغاشه ايه مش عاجبينك ولا ايه
البنت فى سرها يا ربى ايه التلاقيح دى كلها ربنا يا خدكوا يا بعدا
عنتر وبعدين معاك يا غزال اجى يمين تجيلى شمال مش ناوى تحن ولا ايه تعتبنا يا جميل
تيتو باين عليها بتحب وعامله فيها السينريلا بس وحيات ربنا انتى احلى منها كمان
البنت تانى فى سرها الهى يارب تنزل عليكم مصيبه من السما انا بس اصطبحت بوش مين النهارده
مرور ساره بسرعه وشويه شباااااااب فيها الله يسهله يا عم نهايييييييييه
المشهد الرابع نفس النهار الخارجى
ينضم تالت لعنتر وتيتو
المجهول ايه يا جدعان الموزه عامله معاكو ايه
تيتو عامله فيها ست التقيله ومش بترد ولا بتتكلم ولا كانها شايفانا
عنتر بس على مين هترد وهتحن كمان مش هسيبها غير لما تقولى بحبك يا عنتورتى
المجهول ايوه كده هو ده شباب بلدنا الحلو ربنا يوفقكو انا معاكو الى الامام يا رجال
نهايييييييييييييييييييييييييه
المشهد الخامس نفس النهار الخارجى ده
تيتو وبعديهاللك يا نور الصباح مش ناوى تنور ليالى قلبى المظلم من غيرك
عنتر شوفى مهما تسكتى ومهما تنفضى انا قتيل عيونك الحلوه وشفايفك الوردى انا دايب دوب
تيتو تعرفى حتى فى سكوتك ليكى سحر خاص يا ترى صوتك عامل ايه
البنت الهى يصوتوا عليك بدرى يا بعيد ده ايه البخت المنيل ده
المجهول ايه يا جدعان مش عاوزكو ا تيأسوا شدو حيلكوا انتو امل مصر
تيتو عندك حق يا صاحبى خش يا عنتور وهات من الاخر
عنتر وجب يا صاحبى
عنتر شوفى يا حلوه التقل صنعه بس انا بقه خلاص معاكى حتى لو روحتى المريخ
تيتو مش هتلاقى حضن ادفى من حضننا ولا قلب اوسع من قلبنا معاكى حتى لو كانت دى نهايه عمرنا
عنتر ايه ده يا مان دى دخلت بيت نصيبه لايكون بيتها
تيتو يالا بينا يا مان نخلع من هنا
المجهول رايحيين فين بس استنوا
عنتر وتيتو بصوت واحد لا يا عم لا اخوها يشوفنا ولا حاجه
المجهول ما هو انا اخوها يا كلاب طرخخخخخخخخخخخخخخخخخخخخخخخ
المشهد الاخير ليل داخلى مستشفى عنتر وتيتو ممددين كل واحد على سرير ومحلوق شعرهم على الزيرو وجبس فى دراع وجبس فىرجل مدغدغين يعنى
تيتو عامل ايه دلوقتى يا عنتر
عنتر الحمد لله يا صاحبى قضى اخف من قضى
تيتو احنا نبطل بقه معاكسه فى بنات الناس وكده كفايه
عنتر ايوه الحمد لله انها جات لحد كده
تدخل ممرضه عليهم
تيتو شايف يا عنتر الجمال ده
عنتر متهيالى نأجل موضوع التوبه شويه
تيتو عندك حق بس الاول نسألها عندها اخوات ولا لا
عنتر اه ه ه ه ه ه ه ه ه ه ه ه ه
منتدى القصة
موضوع: تيتو وعنتر 
الثلاثاء يونيو 02, 2009 10:52 am
