موسوعة القدس و المسجد الأقصى و الخطورة الواقعة

تعتبر البوقالة الجزائرية من اهم العادات الجزائرية التي لا يمكن الاستغناء عليها في المناسبات و البوقالة هي عبارة عن لعبة طريفة يستعمل فيها:الكانون.البوقال.و العطور السبع:الجتوي الابيض_الجاوي الاسود_ام الناس_عود الند_اللبان_الاستروق_و القصبر
و توجد عدة طرق لتحضير البوقالة و هي تختلف مع اختلاف الاشخاض و قد اخترت لكم احدى الطرق اقتبستها من احدى العائلات القاطنة بالقصبة :
1 التبخيرة: نضع الفحم ونتركة يتفحم و عند تفحمه نضع فيه البخور ثم تقوم صاحبة الشان بقراءة بعض الجمل و العبارات:
بخرتلك بالجاوي جيبيلنا الخبر من لقهاوي
بخرتلك بالحنة جيبيلنا الخبر من مزغنة
بخرتلك بالزيت جيبيلنا الخبر من كل بيت
و هذه العبارات ذكرت من اجل الحفاظ على الفافية مع انه توجد بعض العبارات تافهة
و ند التبخيرة يملا البوقال بالماء و يغطى بطربوش العازب و في بعض الاحيان يستعمل المنديل و نضع البوقال في السطح او في مكان ما حتى يحين وقت اللعبة
وعند قدوم المعازيم اي حين قدوم وقت اللعبة يطلب من فتاة عزباء من الذهاب و الاتيان بالبوقال لوضعه امام الشخصية الاساسية التي ستلقي فيما بعد البوقالات
و هنا تقوم المنشطة بقراءة البوقالات و يستمع الحاضرون باهتمام و يظهر الانبهار على تعابير وجوههم .
الكل يساهم في هذه اللعبة و الكل يحبها و يتمنى عدم الانتهاء منها لانها تضعهم في موقف شاعري , و قد تقرا البوقالة في بعض الاحيان حتى مشاعرهم فهي تساعدهم على رسم شخصيات خيالية في اذهانهمو تذكرهم بالاشخاص لذين يشغلوهم و يرغبون فيهم.
و لقارئة البوقالة اهمية كبيرة و دور اساسيفي اللعبة حيث ان قدرتها الفريدة على الالقاء تجعلها تقول اكثر ما تقوله البوقالة و التي تخلق لكل واحد عالما حصريا به فتصبح المترجمة الشرعية لكل البوقالات.
وفي نهاية كل بوقالة يتفاعل احد الحضور رجلا كان ام امراة
و تضع احدى الفتيات يدها في البوقال لتجلب منه شيئ :خاتما مثلا ثم تحدد لمن هذا الخاتم و من ثمة تكون البوقالة التي القيت تطبق على تلك الفتاة
بوقالة:

عادة ما تبدأ البوقالات بــ:

بسم الله بديت و على النبي صليت

وعلى الصحابة رضيت رفدت بريقي و توضيت

رب اعطاني ما تمنيت

خرجت وحدي في الليل وخرجات الليل صعيبة انسيت المحنة والويل اتفكرتك انت يا الحبيبة

حب الملوك جاني مغلف في اوراقه انا وحبيبي في بلاد واحدة والقلب مشتاقه

عديان الجبال خطبت بنت الرجال و الي يقول كلمة في البنية عند الصبح تبان

حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .

يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة

النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .

الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .

اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا

علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .

أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك

السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها

يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك

في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف

أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور

جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .

شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة .

ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .

غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .

أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .

يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .

التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة

يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك

يا لساكنة في الخيمة و الريح جاني قبلي ردي أوراقك ديمة لا يولي الريح غربي .

في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة

يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي

حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف

علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .

عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب اصبر يا قلبي ياك كل شي مكتوب .

اللي ما فهم بعض الكلمات أنا هنا لشرح كل شيء

كل الشكر لكِ حبيبتي ماسة على تعريفك لنا لعادات الجزائر الجميلة

وعلى البوقالات الرااائعة

سلمت الايادي

ودمتي بتميز دائم

بسلموا رغم غرابتها

الكلمات واضحه بس شكلها بجد قديمه

ربي يعطيك العافيه

الله يعافيك حبيبتي هلوول

انتي شايفتها غريبة شوي بس عندنا في العاصمة الكل يهواها

نورتيني

بسمة وطن كتب:: كل الشكر لكِ حبيبتي ماسة على تعريفك لنا لعادات الجزائر الجميلة

وعلى البوقالات الرااائعة

سلمت الايادي

ودمتي بتميز دائم

بسوم حبيبتي نورتيني

ما شاء الله عليك يا ماسة
نورتين بهذاد المقال
والتعريف بالعادات الجزائرية
بس ممكن
تعرفيها لنا
تحياتي
سكر زماني

سكر زماني كتب:: ما شاء الله عليك يا ماسة
نورتين بهذاد المقال
والتعريف بالعادات الجزائرية
بس ممكن
تعرفيها لنا
تحياتي
سكر زماني

شكرا أخي الكريم لمرورك العطر بس ما فهمت واش حبيت

؟؟

أشرحلك البوقالات و
؟؟

تكرم عينك

خيو

يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك

يا لساكنة في الخيمة و الريح جاني قبلي ردي أوراقك ديمة لا يولي الريح غربي .

في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة

يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي

حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف

علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .

عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب اصبر يا قلبي ياك كل شي مكتوب .

الله يعطيك العافية هذى المنسوخة
صح اني بتعبك شوي ولكن اعوظك بغيرها

» اللهجة الجزائرية
» حلوى الظفيرة الجزائرية
» المصبعة الجزائرية مع الصور
» مدينة قسنطينة الجزائرية
» لمحات عن مدينة الأغواط الجزائرية

موسوعة القدس و المسجد الأقصى و الخطورة الواقعة

مسابقة فلسطينية

كرسي الاجرام

البوقالات الجزائرية