أنا ونانسي عجرم ....

نانسي بنت جارنا وباب بيتنا مقابل باب بيتن
والله كانت نانسي أطلق بنت بحارتنا كلها وكانوا ولاد الحارات التانية
يجوا يلعبوا عنا كل يوم العصر وهاد الشي يلي كان يعصبني ويخليني كل يوم العصر أقعد قدام البيت وقشر بزر واشرب شاي
هييييييك لحتى يأدن المغرب بشيل غراضي وبرجع على البيت مايجوا ولاد الحارات التاني ويطبلوا راسي معون



[ندعوك للتسجيل في المنتدى أو التعريف بنفسك لمعاينة هذه الصورة]
وهي صورتها لما كانت بالمتوسط من عمرها عطتني ياها ذكرى

وبيوم كان الجو مغيم ومطر دقت نانسي الباب وفتحتلا
وقالتلي شو رأيك نطلع شي مشوار
وعلى السريع نطيت جهزت الشاي والقهوة وطلعنا لمشوارنا
وهنيك صرت اعزفلها راشد الماجد ومحمد عبدو وعلمتها كيف تغني
وخصصتلا يوم بالأسبوع لعلمها فيه تغني
ومن المعروف انو ماحدا وصلها لهالمواصيل غيري أنا
وفي يوم مابينتسى كنت أنا قاعد برا لابس شورت وفنيلة وحالتي حالة
بس شعري كان حلو كتير لأنه منكب عليه بيبسي دايت من مبارح
طلعت نانسي واجت لعندي وقالتلي كيفك حبيبي
وأنا لما سمعت هالكلمة نطيت بسرعة لبست تيابي
وأخدت مفاتيح السيارة وركبت فيها
وبلشت تفحيط فيها بالحارة ورديت رجعت لعندا
وقالتلي برافو عليك يا ألبي قلتلا بدك فرجيكي حركة السلسلة
قالتلي شو هيدي السلسلة قلتلا شو رأيك تركبي معي
قالت يالله المسكينة ركبت معي بالسيارة وطلعت لأول شارع
وفتحت الشباك طبعا الشباك كان مكسور بس أنا عملت اتيكيت وقلتلا اني فتحت الشباك
ولما فتحت الشباك ودخل الهوى طالع ريحة العطر يلي حاططتو نانسي وأنا انهبلت
وفتت بعامود الكهربا
وأنا قلت لحالي الحق ياولد البنت رح تموت قالت حبيبي رح موت خدني على المشفى
وديتها والمفاجئة قلي الدكتور لازم تدفع 500 ليرة ليقطبلا راسها
قلتلو خلص مابدي ازا فيها دفع مصاري قالتلي ادفع وأنا بعدين بعطيك ياهن بس نطلع من هوووون
وأنا قعدت عم فكر والبنت راسها عم ينزف دم قلتلا ليش ما ندفع النص يعني أنا 250 ليرة وانتي 250 ليرة
قالتلي مامعي مصاري ليش ماعم تفهم حبيبي وأنا لما بتقول حبيبي بضيع والله وقمت ودفعت المصاري
وقطبولا الجرح وطلعنا
ونحنا بالسيارة قالتلي أنا بعرف انك كنت عم تمزح معي وبعرف انك كنت دافع المصاري من قبل ودفعتن من قلبك
قلتلا أي من قلبي بس هلأ لما نوصل على البيت رح ترجعيلي المصاري
والله ورجعتا وقالتلي استنى لجيب المصاري
راحت وأنا قعدت استنى على الباب بعد شوي اجت ومعها صحن كبة نية
قلتلا شو هاد قالتلي ماما وبابا مو بالبيت خد صحن هالكبة بد المصاري
قلتلا ماشي مدام انتي طابختيه
ومشيت بالسيارة وأنا بلشت آكل
فجأة بيجي واحد من الشرطة
وقلي مو انتا يلي فتت بعامود الكهربا بالحارة التانية شرف معنا على القسم
ورحت معون والمشكلة انو ضل حبتين كبة وما أكلتن


[ندعوك للتسجيل في المنتدى أو التعريف بنفسك لمعاينة هذه الصورة]

وهي صورتا أيام الغيرةوالحب الأعمى

وبعد شوي اجا واحد من الشرطة وقلي مو انت يلي فتت بعمود الكهربا بالحارة التانية
وقلي تفضل معنا على القسم وأخدوني معون والمشكلة ضل حبتين كبة وما أكلتن

المهم بعد مامرت الأيام انتقلت نانسي لحي أرقى ةبلشت تتكبر عليي وصارت كل مااتصل فيها تعطيني مشغول
وراحت أيام وشهور وسنين

وبيوم كنت قاعد مع الشباب باستراحة ورا بيتنا هي أصلا ملعب
بس نحنا قلبناها لاستراحة << احتلال يعني

المهم فتحنا التلفزيون وبلشنا نقلب بهالقنوات وعم ندور على مبارة الدوري وفجأة طلع بوجهي الحب القديم نانسي عجرم
بس عاملة شعراتها وعاملة عمليات تجميل
أنا عاد عرفتها على السريع عرفتها باحساس <<طبعا مو عندي احساس أمومة

[ندعوك للتسجيل في المنتدى أو التعريف بنفسك لمعاينة هذه الصورة]

وعاد لما شفتها بوجهي أغمي عليي 34 يوم وباليوم 35 صحيت بعد ماشمموني تويكس
وقلت لازم روح وقابلها والله ورحت لبيروت المهم سألت عنها ودلوني على مكانها ووصلت لبيتها وقابلني واحد
رابط شعراته من ورا وشايب فكرتو أبوها وصار مدير أعمالها وأنا أول ماشفتو ضميتو وقلتلو
كيفك عمي أبو نانسي قالي أنا مو أبوها أنا جيجي لامار قلتلو جيجي ولا كيكي
وين حبيبة القلب قالي شو بدك ياخيي قلتلو بدي أقابل نانسي <<صار معي لغة لبنانية
قالي نانسي مشغولة كتير قلتلو لازم قابلها وفجأة طلعت نانسي
وشافتني ونزلت دمعتا
وقالتلي وينك تؤبرنئ
وقلتلا انتي للي نسيتي وغنت وقالتلي::::
مين ده للي نسيك تعرف لو قلبي بيتكلم كان رد عليك من ده للي نسيك قبل مانتعاتب طب سلم الله يخليك
واعملك ايه بقول حنساه ومابنساش ليه هواك لسه أنا عايشة عليه ومش حاسة ان انا هقدر أعيش غير بيه
لو عدوا سنين قلبي محلفني اني ماكمل غير وانا وياك تعرف لومين قساني عليك مهما هيعمل أنا مش هنساك
وبعد الدموع والأفلام الهندية
تواعدنا نتقابل بعد صلاة المغرب عند بوفيه ببيع كبدة المهو اجت وجابت معها أبوها قصدي جيجي <<عاد اسمو ما انهضم معي أبدا
جلسنا بالقهوة وطلبت أنا شاي بالنعناع وهيه طلبت كاباتشينو بالتفاح

وبعدين رحت معها كان عندها تصوير فيديو كليب وحاولت معي اطلع معها بالفيديو كليب
أنا رفضت وقلتلا عيب والله لو شافوني أهلي طالع على التلفزيون بيتبروا مني
عاد هيه قعدت تترجاني اتصور معها وأنا قبلت وتصورنا
ولإلكن الصورة


[ندعوك للتسجيل في المنتدى أو التعريف بنفسك لمعاينة هذه الصورة]

وبعدين عزمتني على العشا وبعد العشا قلتلا أنا جاي أخطبك وترجعي معي على بلادي
وتركينا من الطرب قالت لأ ما بدي وبعدين أنا مخطوبة لدكتور أسنان من لبنان
ولما قالت مخطوبة أغمي عليي مرة تانية والمشكلة بلبنان مافي تويكس
فجابوا كت كات ما نفع بعتولي تويكس عن طريق DHL والحمدلله صحيت
ورجعت على بلدي مجروح من ضياع الحب القديم
وأنا عم طالع الجواز لقيت جواز نانسي معي شكلي أخدته بالغلط
مع اني أحلى منها قلت يالله خليه معي ذكرى

[ندعوك للتسجيل في المنتدى أو التعريف بنفسك لمعاينة هذه الصورة]

وقلت لحالي ماإلي غير بنت الجيران سمعت انها عم تحلم فيني ليل نهار يمكن تكون دفشة شوي بس حنونة بس بنت الجيران عنيفة شويتين
مرة مزحت معي وضربتني على كتفي انخلع كتفي من قوة الضربة بس شو أعمل مجبور أخطبا
بس ماصار نصيب لأنو صدمها قطار القطار الواصل بين حمص والشام طبع عم تسألو شو يلي وداها علة هنيك
لأنو أنا وعدتا نتقابل هنيك مشان يصدمها القطار واخلص منها
آآآآآآه بس وينك يانانسي خلي طبيب الأسنان ينفعك
وهي قصتي مع نانسي عجرم ومابقول غير انك خسرتيني يا ننوسة

هههههههههههههههه
ولك بسمة شو حلم لسا قصة نجوي كرم اهم من نانسي

لك بسمة هذا مو حلم

هههههههههههههههههههههههههه

انا اكتر وحدة بالعالم سدقتك ..

اسحب شي بتسدق لوين رحت عمو ...

يسلمو حلوة ..

ياجماعة انتو مفكرين انا قليل

بكرة التاريخ اكيد مارح ينساني