موسوعة القدس و المسجد الأقصى و الخطورة الواقعة

السلام عليكم ورحمة الله وبركاته

عناوين المواضيع اللي اتكلم عنها بمواضيعي

( زواج التعارف)( حب المراهقه) (الحب اساس سعادت الزوجين)(الفروق بين البشر) (نصيحه مني ليكم بالدنيا )(حسن الخاتمه) وغيره ...
\\
(زواج التعارف)

حبيت اليوم اطرح ليكم ظاهره تحدث هاذي الايام والله حب المسن وحب التيلفون وجي مصخره وكله كلام فاضي ومستحييييل الواحد ياخذ وحده امرمسنها انا بقووول ليكم يمكن صعبه بس اتصير والله ع حسب الريال وع حسب تفكيره في ناس ما يحبون يخونون وفي ناس يحبون يخونون ويلعبون بمشااعر غيرهم وانا بقول ليكم ترى الدنيا ما منها امان هاذي الايام

انا بجاوب ليكم ع اسئله تطرح بين البنت والشاب في المسن بالتيلفون المهم اسئله في اكثر الناس اللي يحبون بعض يسئلوها ( انا برمس عن حب المسن والتيلفون) لي هي ::

انته ترضى تاخذ وحده كنت امرمسنها قبل الزواج ..؟؟
انا بالنسبه لي والله عادي اخذ وحده امرمسنها قبل الزواج والله لو محترمه وحسيت وقتها انه تقدر تسعدني والله لخذهاا شو المانع اني ما اخذها انا واحد افضل موتي ولا اني اجرح وحده وفي ناس يقولن ترى شو حب المسن كله خرابيط ومن هاذا الكلام والله الواحد لو بيده والله ما يحب لا من المسن ولا من اليتلفون بس الله يوم خلق الانسان خلقه وهو قادر الانسان انه يتحكم بكل شي من داخله بس اتعرفو الشي الوحيد اللي البني ادم ما يقدر يتحكم فيه لي هو ((القلب)) والله مستحيل الواحد يقدر يتحكم فيه انا سئلت ناس وسمعت حتى استاد الدين عندنا يقول والله الواحد يقدر يتحكم بكل شي بس بقلبه ما يقدر لانه القلب محد يقدر يتحكم فيه غير رب العالمين ..

(حب المراهقه)

والواحد والله مب ذنبه يوم يحب والله القلب والله كل شي بيد الله وهو اللي قدر عليه انه يحب وخاصتن يوم يكون الشخص بسن المراهقه انتو اتعرفو لازم ( الذكر او الانثى*) كل واحد يكون بهاذي الفتره يدور عن حب وعطف وحنان ومثل ما سمعت من اكثريت الناس لي هو حب المراهقه اقوى بوايد من الحب الحقيقي لانه حب المراهقه ينبني اول شي على طيش بدون فهم لصغر السن وكل واحد يكون يتمنى وصعب انه يدوم بس كل شي جايز

(الحب اساس سعادت الزوجين*)

ومابي احد يستهين بالحب يقوول أي حب وخرابيط اصلن الاسره ما تنبني اللي بحب واذا اتعرفون اصلن الزوج والزوجه اتعرفو شو يكون السبب الوحيد لسعاده عندهم السبب هو الحب اذا ما انبنت حياتهم بحب والله صعب ادوم العلاقه بينهم واكثر الناس اللي ما تنبني بينهم حب لي هي الزواج بالغصب مرات ينجبرو الطرفين ع الزواج بسبب مصالح شخصيه وما يدرو انه بهاذي الخطوه يكونو سببو بمصيبه لطرفين لانه عادي يكون كل واحد قلبه يكون للغير وجي اتكون بداية الخلافات بين الزوجين وصعب يدومو ,, السموحه لاني انا ما حافظت ع عنوان الموضوع ,,

المهم

في بعض الشباب اللي يرمسون بالمسن ويحبون يخلون عادي اللي يحبها اترمس غيره بس بعلمه طبعا وما يعدون الخط الاحمر

والسؤال بهاذا الكلا

كيف ترضى من اللي اتحبها اترمس غيرك ..؟؟(الرمسه عن طريق المسن)

انا بالنسبه لي راضي اول شي لانه الحب ما يكون حب ألا اذا كان في تضحيه وثقه بين الطرفين وانا بالنسبه لي راضي لاني ما اظمن اني اتزوجها مثلن لانه كل واحد ما يدري شو اللي ربه كاتب ليه ولازم كل واحد يضحي بغيرته او بأشي علشان سعادت من يوده وانا لي منعتها من رمست المسن بمنعها يوم بتكون ذمتي لانه ما في شي يضمن انها اتكون ليها لاني مب عالم الغيب علشان اعرف الواحد من الاحسن ما يجبر الطرف الثاني عن انه ما يرمس غير لانه هو مثل ما يضمن عمره لباجر لايضمن انها اتكون ليه يوم من الايام ,, ونصيحه الواحد احسن ليه لايحب وهو اصغير لانه ما يضمن لشي وهو خاصتن يدرس مب يشتغل ولا شي وعلشان جي يكون الحب اللي ينبني هو بالمدرسه فاشل وما يدوم ومن الاحسن لايحب لين ما يخطب ذيك الحين من حقك

المهم بمشي ع السؤال اللي بعده ::

اتوقعو انه الشاب اترمسه اخت اللي يحبها الاكبيره انزين وهي تعرف بعلاقته مع اختها بالمسن مثلن سئلته قالت ليه انته ايه متى بتخلصو عن خرابيطكم هاذي وهاذا اللي انتو عايشين فيه بوهم(ناسيه عمرها) ترى وهي صارت بربيعي وهو ع قدي ثاني ثانوي وكنت عداله يوم صار هاذا الشي انزين وانا اللي جاوبت عليها وقتها ... بس ما انا استغرب من كلامها تبي مصلحة اختها ...

السؤال اهني ::

حب من خلف الشاشات ما يصير وحب بدون ما شفت البنت كيف ؟؟ بس انته رمستها ع كيبورد ؟؟

انزين انا جاوبت وبجواب ليكم بصراحه هي اتصير بس نادره لانه هاذي الايام الدنيا ما منها امان بس ع حسب الشخص اذا كان حبه صادق وبينهم التفاهم والله اتصير ودام البنت محترمه وبنت ناس والله اتصير لاني ادري ناس صارت ليهم والزين انه كان بينهم تفاهم وسعيدين الحين بحياتهم والله واصلن محد بيقدر يطلب ايد وحده امرمسنها ألا وهو واثق فيها انه ما اتخونه وانه بتسعده ومستعده اتسوووي أي شي علشان خاطره وحتى الشك مستحييل ايي صووبهم اذا كانو متفاهمين وواثق منها لاني انا ما شفت وحده اتحب زوجها حد الجنوون واتخونه ..

((الفروق بين البشر))+(الخلاصه)
بس خلاااصة كلااااامي كله حبيت ابين ليكم ترى الدنيا بعدنها بخير وكل واحد يحمد ربه ع التجارب اللي يمر فيها لانه اكيد بيكون في ناس مرو بتجربه اصعب من اللي انته مريت فيهاا وكل واحد ياخذ عقله ع التجارب اللي مر عليها ويستفيد منها حبيت اقول ليكم ترى الناس مب واحد واقلووبهم مب وحده وفي فرق بين الشاب والشابه بطريقة التفكير واذا تبون الدليل والله لو كلامكم صح كنا بنشووف بالدنيا البشر كلهم ع دين واحد وتفكير واحد وقلب واحد وما كان اليوم صارت احروب بين المسلمين والكفار عندكم الحروب اللي صايره بفلسطين والعراق وغيره هاذا هو الدليل ولاتخذو بكل شي ع الكل يوم بتاخذو خذو ع الفرد نفسه لانه لكل واحد تفكير غير وقلب غير ..

(نصيحه مني ليكم بالدنيا )+(حسن الخاتمه)+(الدنيا اتعلم ما تتعلم)

وانا كل هاذا الكلااام اللي قلته من الدنيا والدنيا معروفه اتعلم ما تتعلم وانا والله تجربه وحده خذيتها بحياتي غيرت كل شي فيني وخلتني اكبير عند الناس وانا واللي وايدين ناس خبروني قالو لي انته تفكيرك واحد اللي يقول عمره 30وفوق قلت ليه الحمدالله هاذا اللي كرمني فيه ربي واحمده ربي ع كل شي وانا واحد ابي استغله عقلي بشي ينفعكم وتستفيدو فيه وفي كثير من الناس عقلهم اكبير وتفكيرهم صح بس مع الاسف ما يستغلو صح والله في وايدين مبدعين بالمنتدى ليهم وجهات نظر وليهم الابداع في الكتابه بين السطور بس تنقصهم الجرأه والتشجيع ..

وهاذي نصيحه هاامه مني ليكم ::

عليكم بكل شي تتوكلون ع رب العالمين واترضون بقسمة الله لانه هوو اللي قدر ع البني ادم من تجارب وغيره ولاتعترضو على شي كاتب رب العالمين وانتو اتعرفو انه الدنيا كلها تجارب وما تسوى والله بس اكثريت الناس غافلين وماخذين الدنيا عاديه وما يدرون انه في رب فوق يعرف بالسر والجهر وعذاب الله مثل ما ذكر بالقرأن شديد وعليكم بالتوبه والمغفره والحفاظ ع الصلات الخمس وابينكم تنهون ع المعاصي ترى الواحد ما يضمن لعمره عادي الواحد يموت ع معصيه وهو ما يدري وعاد خلى الشخص يتخيل موقفه عند رب العالمين والله لا يكون يووم شديد عليه وهو مدفون بالتراب ويوم القيامه وما اقول غير (( عسى الله يرزقنا بحسن الخاتمه)) ولاتاخذو الدنيا ع طيش ترى بالاخر الندم بيكون فالك

[[ وعسى ربي يووووفقكم ويحفضكم من كل شي وعسى فالكم الجنه قولو... امين .. ]]

والسموووووووووووحه اخواني ع الاطاله وحبيت النقاش معاكم بهاذا الموضوع

وعسى احصل منكم التفااعل اللي يرضي الجميع وانا ما قلت هاذا الكلام ألا للمصلحه العامه ,,

واذا ماعليكم امر ابي كل اللي في المنتدى يستفيد من موضوعي وعلشان جي اللي بينشر رابط الموضوع للأعضاء للتفاعل جزااااه الله خير بالدنيا لانه اللي بينشر رابط الموضوع بينشره للخير ويمكن يكون سبب الهدايه

زائر

اشكرك الدمامي لموضوعك الرائع والكبير
شكرا علي طرحك الراقي وشرحك الوافي
استمتعت كثيرا علي متصفحك البراق
دمت بكل خير
ايهاب

اخي ايهاب
اشكرا لمتابعتك الراقيه
وردك الجميل
يعطيك العافيه
الدمامي

طرحت موضوع غاية في الاهمية
وعسى الجميع يستفيد ويكبروا عقلهم ويعرفوا حدودهم
كل شي بالدنيا له ايجابيات وله سلبيات
واضيف من بعد اذنك اللي عقله براسه بيعرف خلاصه
يعطيك العافية دمامي على الافادة
بوركت يداك

بسمة وطن
شكرا لمرورك الراقي
يعطيكي العافيه
الدمامي

بارك الله فيك ياغالي

فعلا كلهأ اسئلة واردة

وصعب ان اجيب عليها تقبل مروري البسيط

شكرا جزيلا

آحمد

[color=blue][center]اخي احمد
وجودك دوما يسعدني
وردودك تفرحني
شكرا لتواجدك الراقي
بارك الله فيك
الدمامي[/center

» شاب يتعرف على امه في المسن ههههههه
» انا احب وحده بالمنتدى ^.^
» الساجده لله وحده بيننا
» فندق رهيب وحده خيال‎
» تحذير أهل القرآن والعلم من الرياء وغيره الجامع لأحكام القرآن

موسوعة القدس و المسجد الأقصى و الخطورة الواقعة

مسابقة فلسطينية

كرسي الاجرام

بتزوج وحده اتعرفت عليها ع المسن ولا ع التيلفون؟؟(حب المراهقه)وغيره (( بقـلــــــمي))