المفتول الفلسطيني

سأبدا بالوصفه وماحدش يقولي غلطان لاني حسب ما بذكر الحجة والدتي الله يرحمها كيف كانت تسويه كانت بجيب طحين قمح 3كغم وسميد ناعم وابريق ماء تنك ولجن وتبدا بالفتل تحط 3حفنات من الطحين وشوي بسيط من السميد وبترش شوية ماء وتبدا تفتل بسرعة بأناملها الذهبيه طبعا كله هذا داخل اللجن وبعد ان تنهي كل الكميه تجيب الطنجره وتملاها ماء وتضع فوقها المصفاة المخزكة وتلزق داير الطنجرة بعجين عشان ما يطلع البخار بره ومن ثم تضعها على البابور نمره 4 وبعد يمكن نص ساعه يستوي المفتول عالبخار وتستمر تشيل مصفاة وتحط مصفاة حتى تنهي كل الكميه في هذه الاثنا بكون الوالد الله يرحمه قد ذبح ثلاث جاجات بلديات من الدار المهم بعد ما تسلق الجاج في طنجرة لحاله وكمان بتسوي اليخني المكون من بطاطا مقطعه او قرع حسب الموجود وبندوره وممكن حمص المهم بعد ما تخلص بتحط المفتول في السدر وبتصب عليه شوي من مرقة الجاج وبتخليه حوالي 10 دقايق وبعدين بتحط عالوجه اليخني بتوزعه على كل السدر ومن ثم بتحط الجاج وبعدين عينك ما تشوف النور والي بزيد بنوديه لجارتنا ام العبد مع تحيات الشيف ابوطارق

اكله فعلا طيبه كتير

تسلم الايادي ابو طارق

دمت بخير

الله عليك يا بابا والله فنان وانا مش عارف ياريت تطبخلنا اياه في البيت هدا يا جماعه كيف لو يحكيلكم كيف بسوي الفشش والطحال بتصيرو تريلو

شكرا لمرورك سالي واعجابك بطبخي يحفزني لوصفات تانيه

تعبتك احمد في فهم مصطلحاتنا الفلسطينيه فهي ربما تعود للعصر الكنعاني ولكن قدرك ان تكون مديرنا وتبدي رايك في مشاركاتنا قد يكون المفتول هو ما يسمى بالكسكسي في المغرب العربي مع شكري الكبير لمروركم

مش معقول يا مستشار اضفت صور لوصفتي جميلة جدا يعني لو بطلع بايدي بعمل سدر المفتول بطاقة معايدة الف شكر الك مستشارنا

وايديكي يا ميرال وصحة وهنا شكرا لمرورك ميرال

مشكور ايهاب لمرورك وبالهنا والشفه

المفتول الاكله المفضله عندي
يعطيك العافيه يارب

شكرا :)

توضيح حلو اضفت اشياء مهمه شكرا لمرورك ابو موزه

اضافه رائعه منك اخي الكريم على الطبخه
يسلمو ابو طارق وابراهيم

أكيد طيب عندنا فالجزائر نقولولو البركوكس