| اتنين في حكاية 5 ... بقلمي | |
|
|
كاتب الموضوع | رسالة |
---|
???? زائر
| موضوع: اتنين في حكاية 5 ... بقلمي الأربعاء يونيو 03, 2009 8:13 pm | |
| بسم الله الرحمن الرحيم
اخواني واحبائي رواد وسكان قريتي الحبيبة قرية الغرام
تحية طيبة وبعد
اليوم جايبلكم حكاية جديدة من مسلسلي اتنين في حكاية لعله ينال استحسانكم ورضاءكم وحكاية اليوم عن
عواجيز الفرح
ايه بقي حكاية عواجيز الفرح دي ؟ هي كلمة دارجة دايما بنقولها هنا في مصر لاي اتنين مش عاجبهم حاجة ... تلاقيهم في فرح واخدين ركن لوحديهم وعمالين ينمو علي العروسة مرة وعن العريس مرة وعن فلان وعلان ونسيوا انهم في فرح وبيبتعدوا بالكلام عن أي شئ بعيد عن الفرح ويمكن من جواهم يتمنوا ان الفرح ما يتم
وعشان كل كلمة او حكمة ليها في الاصل حكاية .... تعالوا نشوف ايه اصل الحكاية
زمان قالوا في الحواديت والحكايات ان ابليس نزل بلد في يوم واتنكر بزي انسان واتمشي شوية ..... وهو بيتمشي دخل السوق وبص لقي هيصة وزيطة وفرح ..... قابلته في السكة واحدة عجوزة ... عرفته ... قالتله الله ايه جابك هنا يا ابليس ... قالها ابليس مين ياخالة .... قالتله ربنا يخلخل ضروسك .... ال خالة ال ... حاول يضللها مفيش فايدة .... يعني عارفاه عرفاه .... قالها طيب عرفتيني منين ... قالتله عيب دانا شعري شاب واعرفك حتي لو عملت ايه .... انت جاي الناحية دي ليه ؟ قالها جاي اتمشي شوية واشوف شغلي .... يمكن اقدر ابوظ الفرح ده قالتله ولو عملت انا اللي ماتقدرش انت تعمله ..... قالها هاتقدري .... قالتله نتراهن .... قالها علي ايه ... قالتله لو بوظتلك الفرح .... متنزلش فرح تاني في بر مصر .... قالها ولو الفرح تم ..... قالتله اعوذ بالله ... تبقي تعمل اللي عايز تعمله فيا ان شاء الله حتي تخفيني .... قالها موافق ... قالتله خليك في مكانك واتفرج وانت ساكت من غير ما تتدخل وشوفني انا هاعمل ايه .... قالها موافق .... وفضل واقف مكانه منتظر نتيجة اللي هاتعمله .
في الوقت ده كان العريس بيستحمي في بيت خاله وبيجهز نفسه للفرح راحت العجوز رايحة له ... قالتله انت مش فاكرني ؟ قالها ازاي ؟ فاكرك طبعا ياخالة انتي زبونة عندي في المحل ..... قالتله انا جايالكم النهاردة في خدمة ... قالها انتي تامريني انا عيوني لك .... قالتله عايزة من عندك منديل ... قالها ليه ... قالتله ابني بيحب واحدة واهلها مش عايزين يجوزوهاله .... وعايزين يجوزوها واحد بتكرهه .... رحت لعرافة قالتلي هاتيلي منديل لعريس يكون هايتجوز جديد ... قالها من عيوني ... خدي منديل حرير مطرز من مناديلي ... وخدت المنديل وراحت الفرح لقيت العروسة قاعدة في الكوشة ...سلمت عليها واهدتها المنديل ... ولما العريس وصل لقي المنديل بتاعه مع العروسة ... افتكر ان العروسة اللي بتكره عريسها هي نفس العروسة اللي حكت له عليها العجوز .... راح رامي عليها يمين الطلاق ... قالها ابليس عملتي ايه ؟ قالتله اسكت انت اتفرج وانت ساكت ... قالها حاضر ... راحت تاني يوم للعريس الدكان بتاعه .... وقالتله انت ايه اللي عملته في الفرح ده ؟ قالها اكتشفت ان العروسة هي نفسها اللي كلمتيني عليها .... قالتله ابدا دانا رحت اباركلها نسيت المنديل جنبها وهي مظلومة قال العريس ياخسارتي انا ظلمت انسانة بريئة وانا بحبها لازم اصلح غلطتي بس هي مش هاتوافق بعد ما طلقتها قدام الناس .... قالتله واللي يخليها توافق ؟ قالها انا في عرضك ... قالتله هاتدفعلي كام ؟ قالها هادفعلك الف دينار قالتله اتفقنا ... وخرجت من المحل قابلت ابليس ... قالها عملتي ايه ؟ قالتله انت تتفرج وبس ... استني لما اروح للجواهرجي اسرق عقد ... قالها هاتسرقي عقد ليه ؟ قالتله عشان اهديه للعروسة .... وراحت للجواهرجي فعلا وسرقت العقد ... بس العروسة برضه رافضة ترجع لجوزها ... راحت العجوز للجواهرجي وقالتله انا سمعت ان في عقد اتسرق من عندك .... قالها ايوة ... قالتله شايف اللي واقفة هناك دي ؟ قالها شايفها ... قالتله هي اللي سرقت العقد ولابساه الوقت في رقبتها ... جري الجواهرجي ومسك في العروسة ووداها السجن ... ابليس قابل العجوز قالها بتعملي كدة ليه ؟ انا مش فاهمك .... قالتله ولا هاتفهم حاجة .. خليك مراقب الاحداث وهاتشوف انا هارجع العروسة لجوزها ازاي .... وراحت دخلت علي حارس السجن وقعدت تترجاه انه يدخلها للعروسة المحبوسة .... وفعلا دخلها ... قالتلها اللي يخرجك من هنا تدفعيله كام ... قالتلها اديكي الف دينار وخرجيني من هنا ... قالتلها العجوز بس تخرجي من هنا علي بيت جوزك .... قالتلها موافقة .... وراحوا بدلوا ملابسهم وفضلت العجوز في السجن وخرجت العروسة من السجن متخفية في لبس العجوز وراحت علي بيت جوزها .... ولما القاضي طلب المتهمة بسرقة العقد ... جت العجوز تقول انا برضه اسرق ؟ انا وش ذلك ؟ واتعرف الجواهرجي علي العجوز وقال مش هي دي اللي سرقت وطلعها القاضي براءة ... راحت العجوز للعريس والعروسة .... هنيتهم علي رجوعهم لبعض ... واخدت من كل واحد الف دينار ... وخرجت ..... قابلت ابليس .... قالتله ايه رايك ؟ قالها كسبتي الرهان ..... قالتله تقدر تعمل زيي ؟ قالها مستحيل ده كفاية عجوز زيك تبوظ الف فرح .... وندر عليا اني ما ادخل فيكي فرح يامصر ... وطلعت كلمة عواجيز الفرح ... ودي كانت اصل الحكاية
اتمني اني اكون قد وفقت في تعريف كلمة عواجيز الفرح
وانتظروني في حكاية جديدة ان شاء الله ان كان في العمر بقية
بقلمي
ايهاب ابوغويل
عدل سابقا من قبل abogweel في الثلاثاء يونيو 16, 2009 7:33 am عدل 2 مرات |
|
| |
سآلى القاسم (لينا قاسم)
مبدعةٌ في حبِ ألوطــنْ
عدد المشاركات : 9471 الدولة : فلسطين مزآج : رقم العضوية : 02 دولتك : المهنة : سجل في : 15/01/2009
| موضوع: رد: اتنين في حكاية 5 ... بقلمي الأربعاء يونيو 03, 2009 10:33 pm | |
| يااااااااااااااااااه يا ايهاب واخيرا عرفت الحكاية بتاعات عواجيز الفرح عفكره هالامور موجوده عند كل الشعوب لا بد ان يكون هناك نمامين ومش بحبو حد يفرح او تكمل فرحتو يعني بكل عرس الهم قرص يا ترى يا ايهاب تقدر تجيبلي اصل حكاية في كل عرس الهم قرص هههههههههه المهم خيوو حبيبت قلك ان عواجيز الفرح كمان موجودين بكل المناسبات بتلاقيهم كمان بالطرح والله يبعدهم عنا يارب مشكور لموضوعك الكبير والمميز والرائع جدا تقبل مروري البسيط سالي | |
|
| |
مهندh
¤° كآتب مآسي °¤<
عدد المشاركات : 1288 الدولة : العراق مزآج : رقم العضوية : 000085 دولتك : المهنة : سجل في : 06/04/2009
| موضوع: رد: اتنين في حكاية 5 ... بقلمي الأربعاء يونيو 03, 2009 11:18 pm | |
| اخي ايهاب سرد جميل لللحكاية ودائما استمتع بقراءة قصصك الجميلة
ولا تحرمنا من جديدك
دمت بكل الود | |
|
| |
???? زائر
| موضوع: رد: اتنين في حكاية 5 ... بقلمي الخميس يونيو 04, 2009 8:30 am | |
| - سآلى القاسم كتب:
يااااااااااااااااااه يا ايهاب
واخيرا عرفت الحكاية بتاعات عواجيز الفرح
عفكره هالامور موجوده عند كل الشعوب
لا بد ان يكون هناك نمامين ومش بحبو حد يفرح او تكمل فرحتو
يعني بكل عرس الهم قرص
يا ترى يا ايهاب تقدر تجيبلي اصل حكاية في كل عرس الهم قرص
هههههههههه
المهم خيوو حبيبت قلك ان عواجيز الفرح كمان موجودين بكل المناسبات
بتلاقيهم كمان بالطرح
والله يبعدهم عنا يارب
مشكور لموضوعك الكبير والمميز
والرائع جدا
تقبل مروري البسيط
سالي
ههههههههههههههههههههههههههه فعلا سالي عواجيز الفرح موجودين في كل مكان وزي مابنقول في امثالنا مابيعجبهمش العجب ولا الصيام في رجب ههههههههههههههههههههههههههههههههه ومفيش وراهم غير مصمصة الشفايف ولا حد عاجبهم في الدنيا دي هههههههههههههههههههههههههههههههههه غير لسانهم اجارك الله من لسانهم شكرا جزيلا علي مرورك الرائع وشكرا علي تعليقك الراقي والجميل وان شاء الله هابحثلك عن المثل اللي طلبتيه تقبلي مني ارق تحية ايهاب
|
|
| |
???? زائر
| موضوع: رد: اتنين في حكاية 5 ... بقلمي الخميس يونيو 04, 2009 3:36 pm | |
| ههههههههههههههههههههههههه
بجد استمتعنا بمعرفة ماذا تعني عواجيز الفرح واللي موجودين بكلللللللل مكااااااان
ههههههههههههههههههههههههههه
ايهاب اصل الحكايه دايما مشوقه ممتعه سرد يجعل القاريء يتاابع بدون ملل
اشكرك جزيلا على عواااااااجيز الفرح
:) تقبل مروري واحترامي
ننتظر حكايااتك بشوق |
|
| |
???? زائر
| موضوع: رد: اتنين في حكاية 5 ... بقلمي الخميس يونيو 04, 2009 8:15 pm | |
| - مهندh كتب:
- اخي ايهاب
سرد جميل لللحكاية ودائما استمتع بقراءة قصصك الجميلة
ولا تحرمنا من جديدك
دمت بكل الود وانا استمتع جدا بمرورك الراقي علي صفحتي شكرا لك مهند علي مشاركتك الطيبة ورايك الجميل بشخصي والذي اعتز به كثيرا دمت بكل خير ايهاب
|
|
| |
بسمة وطن
مرآقبـة ســآبقة
عدد المشاركات : 10137 الدولة : سوريا مزآج : رقم العضوية : 000065 دولتك : المهنة : سجل في : 09/03/2009
| |
| |
???? زائر
| موضوع: رد: اتنين في حكاية 5 ... بقلمي الخميس يونيو 04, 2009 9:39 pm | |
| - ميرال كتب:
ههههههههههههههههههههههههه
بجد استمتعنا بمعرفة ماذا تعني عواجيز الفرح واللي موجودين بكلللللللل مكااااااان
ههههههههههههههههههههههههههه
ايهاب اصل الحكايه دايما مشوقه ممتعه سرد يجعل القاريء يتاابع بدون ملل
اشكرك جزيلا على عواااااااجيز الفرح
:) تقبل مروري واحترامي
ننتظر حكايااتك بشوق
كل الشكر لك ميرال علي مرورك الرائع ههههههههههههههههههههههههههههههههههه وبالفعل عواجيز الفرح موجودين بكل مكان ومش شرط انهم يكونوا في افراح هما موجودين في العديد من المناسبات ومفيش حاجة بتعجبهم سواء كانت المناسبة سعيدة او حزينة ههههههههههههههههههههههههههههه اعدك باذن الله بالمزيد تقبلي مني ارق تحية ايهاب
|
|
| |
أحمد صقرٍ ألسمآء
البآحث عنْ ألإبدآع
عدد المشاركات : 5459 الدولة : الجزائر مزآج : رقم العضوية : 1 دولتك : المهنة : سجل في : 15/01/2009
| موضوع: رد: اتنين في حكاية 5 ... بقلمي الخميس يونيو 04, 2009 11:33 pm | |
| بغض النظر عن المعلومه ايهاب طبعا المعلومه جديده بالنسبة الي الا اني منبهر بجد بالاسلوب الشيق جيدا ياريت تكتب قصص يا ايهاب منتظر جديدك ديما موفق يارب آحمد | |
|
| |
ابتهالات
¤° النخـــبة °¤<
عدد المشاركات : 8857 الدولة : السعوديه رقم العضوية : 69 دولتك : المهنة : سجل في : 17/03/2009
| موضوع: رد: اتنين في حكاية 5 ... بقلمي الجمعة يونيو 05, 2009 5:57 am | |
| حلوه ايهاب واسلوبك رائع تقبل مروري | |
|
| |
???? زائر
| موضوع: رد: اتنين في حكاية 5 ... بقلمي الجمعة يونيو 05, 2009 9:40 pm | |
| - بسمة وطن كتب:
هههههههههههههههههههههههههه الله عليك ايهاب فعلااااا قصة رهيبة وأول مرة بسمع بالكلمة وشو قصة هالكلمة وبجد ضحكت لما قريت ازاي المعزومين بيتركوا الفرح وبيحكوا وينموا على العرسان وبيتمنوا ما تكمل الليلة على خير وعلى فكرة الاغلبية من هالناس بيبانوا بسرعة سبحان الله ،، اما العجوز هي رهييييبة فعلاااا ست عرفت تخطط وتنفذ وتعمل اللي براسها ههههههههههههههه حتى الشيطان انسحب قدامها قصة جميلة جدا جدا واستمتعت بقراءتها سردتها بشكل عفوي وراقي سلمت يداك ايهاب وبانتظار قصصك القادمة لك مني كل التقدير
ما اروعه من مرور وما اجمله من تعليق شكرا جزيلا بسمة علي روعة حضورك وشكرا علي مشاركتك الطيبة وتواصلك الجميل والكريم علي صفحاتي البسيطة دمتي بكل خير ايهاب
|
|
| |
???? زائر
| موضوع: رد: اتنين في حكاية 5 ... بقلمي الجمعة يونيو 05, 2009 9:41 pm | |
| - أحمد صقرٍ ألسمآء كتب:
بغض النظر عن المعلومه ايهاب
طبعا المعلومه جديده بالنسبة الي
الا اني منبهر بجد بالاسلوب الشيق جيدا
ياريت تكتب قصص يا ايهاب
منتظر جديدك ديما موفق يارب
آحمد
اشكرك احمد علي مرورك الرائع وعلي تعليقك الراقي ومجاملتك الرقيقة كل الشكر لك علي مشاركتك الجميلة وان شاء الله هحاول اكتب قصة تقبل خالص تحيتي ايهاب
|
|
| |
| اتنين في حكاية 5 ... بقلمي | |
|