نشيدة اعذر جميع الناس

يسعد صباحكم ومساكم بكل خير..

شخباركم شو علومكم عساكم طيبين ولا تشكون باس

عن انطول ونهذرب وااايد خخخ

يايبتلكم نشيده احلى عن الروعه بعد

طر على قولتهم.. من نزلتها وانا اعيدها يمكن يومين خخخ

اول شي بعطيكم الكلمات وبعدين اللي يبا يسمعها فاله طيب

صح صح صح اسم المنشد عليكم واجب لا صفي خخخ >> ما تعرف اسم المنشد خخخ.. اصلا ما اتخبر من ينشد الأناشيد بس نسمع هع هع

ما جني طولت الرمسه.. فالكم طيب بالكلمات والنشيده بكبرها..

الكلمات:

ياقلب لاتشكي همومك على الناس
............ماكل شخص(ن)يعذرك في مصابك


لاتسكب الدمعه على خد حسـاس
............ولا تحرق اوراق الزهر في عتابك


ولا تضيق الصدر المولع بالانفاس
............ولاتقطع عروق(ن)بكت عند بابك


ياقلب ولله مابقى بعيني انعـاس
.............يومك شكيت الحب محد(ن)درابك


النار ماتحرق سوى رجل من داس
................وللي كواه الحب يفهـم خطابـك


قبلك شرب مجنون ليله من الكاس
...............واليوم نفس الكاس تسقى شرابك


ياقلب اعرف معدنك معدن الماس
...............توفي لحبيب الروح لوهو رمابـك


ياقلب خلك بالشدايد قـوى بـاس
..................لا تلتفت للجرح لوهـو سطابـك


ياقلب لا تسقي عروقك من الياس
...............وخل الامل والصدق دايم زهابـك


مادام طاحت فاسك اليوم بالـراس
...............اعذر جميع الناس واخفي عذابـك



هاه شرايكم بالكلمات؟

والحين اليكم الرابط واستماع ممتع..

[ندعوك للتسجيل في المنتدى أو التعريف بنفسك لمعاينة هذا الرابط]